संस्कारक्षम वातावरण

ह्या शाळेचा परिसरच ३० एकराचा आहे. ही प्रशस्तताच मुलांच्या मनातून कुठल्याही कोतेपणाला, क्षुद्रपणाला हद्दपार करते. शाळेच्या परिसरात झाडांची रेलचेल आहे, खरी संपत्ती कोणती आणि ती कशी आणि का राखली पाहिजे ह्याची साक्ष ही झाडं देतात. प्रशस्त पटांगणावर मुलं खेळ खेळत टीम वर्क शिकतात, खिलाडूवृत्ती विकसित करतात. हातात माती घेऊन बघू शकतात, जीवशास्त्राच्या पुस्तकातील अनेक गोष्टी प्रत्यक्ष अनुभवू शकतात. आणि ह्या वातावरणात १० वर्ष वावरलेला विद्यार्थी पुढे निसर्गाचा स्नेही बनून राहतो. हा स्नेह जुळावा ह्यासाठी जे जे मुलांना देता येईल ते आम्ही इथे देतो.